ENGLISH

dyrfjallahlaup

22.júlí 2017

23 km utanvegahlaup

Borgarfjörður eystri

 

Frá Hólalandi í Borgarfirði, í Stórurð og þaðan í Bakkagerðisþorp í Borgarfirði. 

Ungmennafélag Borgarfjarðar verður 100 ára 2017 og heldur af því tilefni utanvegahlaup um Dyrfjöll í fyrsta skipti. 

 

Leiðarlýsing

Leiðin hefst við bæinn Hólaland í innsveit Borgarfjarðar. Þaðan er hlaupið upp til að byrja með eftir gömlum raflínuslóða sem liggur að Sandaskörðum. Þegar komið er langleiðina upp í Sandaskörð er beygt til hægri á merkta gönguleið sem liggur að Eiríksdalsvarpi. Frá varpinu er hlaupið um Tröllabotna, yfir Lambamúla áleiðis að Urðardal þar sem Stórurð liggur undir dyrum Dyrfjalla. Úr Stórurð er hlaupið upp bratta brekku í átt að Mjóadalsvarpi. Á krossgötum ofan Stórurðar er beygt til hægri og hlaupið eftir grófri slóð undir hömrum Dyrfjalla ofan Njarðvíkur og Dyrfjalladals. Leiðin liggur að Grjótdalsvarpi og þaðan er hlaupið að mestu á grónu landi að Brandsbalarétt sem er rétt fyrir innan þorpið Bakkagerði í Borgarfirði. Seinustu 700 metrana er hlaupið á malbiki að fótboltavelli UMFB þar sem hlaupið endar

Vegalengd 22.97km

Heildarhækkun: 1087m

Heildarlækkun: 1115m

Hæsti punktur: 683m.y.sm

Lægsti punktur: 16m. y.sm. 

 

Hér má sjá kort af leiðinni

 

Hér er Facebook síða hlaupsins

 

Skráning

Skráning fer fram á hlaup.is

Þátttökugjöld eru sem hér segir: 

Skráningar frá 1.janúar - 31.maí : 7.900 krónur

Skráningar 1.júní - 18. júlí: 8.900 krónur

Skráningar 19.júlí - 21.júlí: 9.900 krónur

Lokað verður fyrir skráningar á miðnætti 21.júlí 2017. 

 

Drykkjarstöðvar

Drykkjarstöðvar verða á þremur stöðum á leiðinni, á 6km, 12km og 18km  með vatn og orkudrykki. Sjá kort af vatnsstöðvum.

 

Verðlaun

Allir þátttakendur fá minningargrip úr héraði þegar þeir koma í mark.

Verðlaun verða veitt fyrir þrjú fyrstu sæti karla og kvenna. 

Vegleg útdráttarverðlaun eru í boði að hlaupi loknu. 

 

Skilmálar

Hafa samband

Dyrfjallahlaupið er á vegum Ungmennafélags Borgarfjarðar og verkefnisstjóri hlaupsins er Inga Fanney Sigurðardóttir sem jafnframt tekur við öllum ábendingum og spurningum er varða hlaupið ( ingafann@gmail.com ) 

Myndir eftir Skarphéðinn G. Þórisson, Hafþór Snjólf Helgason og Helga Magnús Arngrímsson

Powered by Wikiloc

Track af leiðinni má finna hér: https://www.wikiloc.com/wikiloc/view.do?id=16271855

Á svæðinu er ýmis konar afþreying og þjónusta í boði. Á heimasíðu Ferðamálahóps Borgarfjarðar má finna gagnlegar upplýsingar um gistingu, matsölustaði, afþreyingu og aðra þjónustu á svæðinu. 

Samstarfsaðilar Dyrfjallahlaupsins 2017 eru: